ФОТОГРАФИЈА од кралското семејство објавена на Инстаграм профилот на војводата и војвотката од Кембриџ многу им се допадна на обожавателите на принцот Вилијам и Кејт Мидлтон.
Сликата на Вилијам, Кејт, Џорџ, Шарлот и Луис доби речиси два милиони лајкови на Инстаграм, а експертите за говор на телото велат дека сликата била внимателно осмислена и дека фотографот внимавал на секој детал.
Експертот за говор на телото, Хесус Енрике Росас, кој многу често на својот канал се занимава со однесувањето на кралското семејство, вели дека ништо на оваа слика не е случајно.
Росас наведува дека фотографот на кралското семејство намерно ги сместил војвотката и принцот Џорџ во горниот десен агол на сликата бидејќи, како што тврди, човечкото око најчесто го гледа тој агол од фотографијата како центар на сликата.
Росас вели и дека се погрижиле Кејт Мидлтон да биде во центарот на вниманието, правејќи ја позадината околу нејзиното лице посветла, додека принцот Вилијам нема таков контраст.