Состојки:
– 150 гр чоколадо за готвење
– 125 гр путер
– 100 гр кафеав шеќер
– 75 гр вишни (можете да користите вишни од компот)
– 100 гр брашно
– 1/2 лажичка прашок за пециво
– 2 јајца
Подготовка:
Чоколадото искршете го и растопете го заедно со путерот.
Во друг сад изматете ги јајцата со шеќерот, па додадете го брашното што сте го просеале и измешале со прашокот за пециво.
Додадете ја растопената чоколада и 50 грама вишни, па полека измешајте.
Истурете ја смесата во правоаголен калап обложен со хартија за печење што сте ја намокриле и исцедиле за полесно да се обликува.
Израмнете ја површината со влажна шпатула или со тркалезната страна од лажицата и распоредете ги преостанатите вишни.
Печете 15 минути на 190 степени. Изладениот колач исечете го и послужете.