Актерот Бред Пит конечно одлучи да го прекине молчењето за разводот од актерката Анџелина Џоли по осум години, пишува Page Six. На прашањето на новинар дали чувствува „олеснување“ откако разводот беше легално финализиран во декември минатата година, Пит одговори: „Не, не мислам дека беше толку голема работа. Тоа е само нешто што конечно се случи. Легално.“
Џоли првпат поднесе барање за развод во 2016 година, а тие беа прогласени за слободни во 2019 година.
„Анџелина поднесе барање за развод од г-дин Пит пред повеќе од осум години. Потоа таа и децата го напуштија целиот недвижен имот што го делеа со г-дин Пит и оттогаш таа се посвети на наоѓање мир и исцелување за своето семејство. Ова е само еден дел од долгиот процес што започна пред осум години. Искрено, Анџелина е исцрпена, но е олесната што овој дел конечно заврши“, претходно изјави адвокатот на актерката.
Џоли трајно се откажа од какво било право на издршка од Пит, со кого дели шест деца: Медокс (23), Пакс (21), Захара (20), Шајло (19) и близнаците Нокс и Вивиен (16).
Патем, ниту едно од децата моментално не зборува со Пит, а неколку дури одлучија да го избришат неговото презиме, вклучувајќи ја и неговата прва биолошка ќерка Шајло.
„Никогаш не почувствувал поголема радост отколку кога се родила. Отсекогаш сакал ќерка. Потсетувањата за губењето на своите деца, се разбира, не му се лесни. Тој ги сака своите деца и му недостигаат. Многу е тажно“, тврди изворот.