Според истражувањето на Португалскиот институт за администрација и маркетинг, брендот на португалскиот фудбалер Кристијано Роналдо достигна рекордна вредност во 2025 година.
Брендот „CR7“ денес вреди 850 милиони евра, а Роналдо има огромен приход од својот бизнис, спонзорства и неспоредливо глобално влијание. Феноменалниот Португалец не е само еден од најдобрите фудбалери на сите времиња, туку и бизнис империја во човечка форма. Како што се приближува кон крајот на својата фудбалска кариера, тој се позиционираше за долгорочна финансиска доминација преку комбинација од атлетска брилијантност, маркетинг и стратешки деловни одлуки.
Според актуелниот договор со Ал Наср, Кристијано заработува околу 200 милиони евра годишно, додека спонзорските договори со гиганти како „Најк“ и „Луј Витон“ му носат дополнителни 150 милиони евра. Вистинската моќ лежи во брендот што го создаде, а тоа е „CR7“.
Истражувањето наведува дека вредноста на брендот денес изнесува 850 евра. Првично се поврзуваше со модата и облеката, но се прошири и во други сектори.
Повеќето фанови го препознаваат „CR7“ како линија на облека, долна облека, секојдневна облека и обувки, но Роналдо инвестираше многу повеќе од тоа. Тој е сопственик на линија парфеми, недвижности, луксузни хотели низ Европа, Азија и Латинска Америка, сопственички удел во германската платформа за трговија со луксузни часовници „Chrono24“, акции во една од најголемите португалски медиумски компании „Medialivre“, а е и ко-сопственик на водечкиот производител на порцелан и керамика „Виста Алегре Атлантис“.
Роналдо е феномен на социјалните мрежи и има глобален дострел благодарение на неговото неспоредливо присуство на социјалните мрежи, каде што го следат повеќе од милијарда луѓе. Ниту еден спортист не ја достигнал таа бројка. Повеќе од 74 милиони луѓе го следат на YouTube, а неговата содржина стигнува до сите делови на светот. Неодамнешното емитување на турнир во падел на неговиот канал UR Cristiano беше гледано во 130 земји.
Годишно за Роналдо се објавуваат околу 22,3 милиони статии во весници, неговото име се пребарува 187 милиони пати годишно на Google, а се споменува во повеќе од 4.000 книги што се продаваат на Amazon. Исто така, тоа е тема на повеќе од 63.000 научни трудови ширум светот.
Годишно за Роналдо се објавуваат околу 22,3 милиони статии во весници, неговото име се пребарува 187 милиони пати годишно на Google, а се споменува во повеќе од 4.000 книги што се продаваат на Amazon. Исто така, тоа е тема на повеќе од 63.000 научни трудови ширум светот.