Британскиот експерт за дигитална економија Крис Филип вели дека вчерашниот руски ракетен напад врз трговскиот центар во Кременчук е тероризам и дека покажува дека „на варварството на Путин му нема крај“.
„Важно е да останеме со Украина, а за време на оваа инвазија правиме сè што можеме за да ги поддржиме. Велика Британија обезбеди поддршка во вредност од 1,3 милијарди фунти. Обезбедивме 5.000 противтенковски проектили, обезбедивме противвоздушни ракети, обезбедивме противбродски проектили. Обезбедивме хуманитарна помош. Нудиме обука на 10.000 украински војници на секои 120 дена. Значи, ние на Запад, не само Обединетото Кралство туку и целиот Запад, мора да направиме се што можеме за воена поддршка на Украина во овој мрачен час со кој се соочуваат тие“, рече Филип.
„Тоа е тероризам, намерно се цели кон цивили“
Тој отфрли секаква можност британските војници да бидат распоредени на украинска територија.
„Нема да го направиме тоа затоа што сме загрижени за ескалација. А всушност, ако разговарате со украинската влада, нивниот проблем не се војниците. Тие имаат многу доброволци, момчиња и девојки кои доброволно се пријавија да ја бранат татковината. Она што им треба е опрема“, рече тој.
Во врска со вчерашниот ракетен напад врз трговскиот центар во Кременчук, министерот рече дека го смета за тероризам.
„Би отишол толку далеку и би го нарекол така, бидејќи намерно цели кон цивили. Нема воена потреба да се бомбардира трговскиот центар. Исто како што немаше воена потреба да се бомбардираат породилиштата што ги видовме или театрите во Мариупол. Ова е дел од конзистентна шема на злосторства извршени од руската влада“, рече Крис Филип.