Новиот, „британски“ вид на коронавирус откриен во Кент може да стане доминантен вид на вирусот во светот, предвиде шефицата на британската програма за генетска контрола, професорката Шерон Пикок, која изјави дека новиот вид на вирусот „ја преплави земјата“ и дека ќе го „помести светот во своја насока“.
Тој вид на коронавирус е откриен во повеќе од 50 земји во светот, а првпат беше откриен во септември минатата година и се шири брзо, што е причина за сè порестриктивните мерки во Велика Британија.
„Штом стигнеме до врвот или вирусот мутира затоа што не е вирулентен и предизвикува болести, тогаш можеме да престанеме да се грижиме за тоа. Но, мислам дека, гледајќи во иднината, ќе го правиме ова со години. Според мое мислење, тоа ќе го правиме барем десет години“, рече Пикок.
Во моментов достапните вакцини се дизајнирани според постарите верзии на вирусот КОВИД-19, но научниците сметаат дека секој вид вакцина треба да биде исто така ефикасен против новите видови, со можна помала ефикасност.
Пикок вели дека вакцините одобрени за употреба во Велика Британија делуваат добро против новите, постојни видови на вирусот. Мрежата на тела и лаборатории за јавно здравје во земјата анализира скоро 30.000 позитивни тестови на ден. Таа нагласи дека иако е нормално да се гледаат видовите на вирусот, само мал број имаат посебни карактеристики што ги прават повеќе преносливи и можат да избегнат имунолошки одговор и да влијаат на вакцинацијата или потенцијално да предизвикаат посериозна болест, пренесува Би-Би-Си.
„Тоа се работи на кои внимаваме. Јас би рекла дека ретко се случува, но мора да бидеме внимателни“, коментира Пикок.
Податоците од претходните истражувања во Јужна Африка покажаа дека вакцината нуди минимална заштита од блага до умерена болест кај младите. Но, директорот за имунизација на СЗО рече дека студиите се неубедливи и дека вакцината ќе продолжи да спречува сериозни болести.
Научниците од Оксфорд очекуваат нивната вакцина да биде ефикасна против посериозни болести на коронавирус и дека ќе се избегне хоспитализација доколку се прими вакцината.
Британската влада планира да ја понуди првата доза на вакцина на 15 милиони луѓе до 15 февруари, во која се вклучени лица постари од 70 години, здравствени работници и лица кои имаат потреба од заштита.