Британските пратеници бараат Џонсон да му ја додели титулата витез на Зеленски

Британските пратеници предложија на украинскиот претседател Володимир Зеленски да му се додели титулата витез.

Тие побараа од премиерот Борис Џонсон да го номинира Зеленски како знак на признание за храброста и инспиративното лидерство, објави „Сан“.

Пратениците од сите британски партии го повикаа премиерот да му ја додели почесната титула на Зеленски, по неговиот возбудлив говор пред британскиот парламент, преку видео-врска од неговото засолниште во Киев.