Француската кошаркарска ѕвезда Виктор Вембањама (19) се уште нема одиграно ниту една минута во НБА, но веќе привлече големо внимание во јавноста. Новиот играч на Сан Антонио Спарс со тимот е во Лас Вегас, каде се сретна со многу фанови, пренесува TMZ.
Една од нив е Бритни Спирс (41) која го забележала младиот човек во близина на ресторанот каде планирала да вечера со сопругот Сем Асгари и двајца пријатели.
Бритни му пришла на Виктор за да го праша за да се фотографираат. Го допрела по рамо кога Демијан Смит, човекот задолжен за обезбедување, ја оттурнал и и удрил шлаканица. Таа паднала на подот, а и испаднале и очилата.
По инцидентот, Бритни отишла во ресторан. TMZ дознава дека Смит отишол да и се извини на пејачката.
– Мора да разберете дека тоа може да се случи кога околу него има многу обожаватели – наводно рекол, а пејачката го прифатила извинувањето.
Во моментот кога и удрил шлаканица, не препознал дека е таа.
Бритни сепак го пријавила целиот случај во полиција. Но полицијата нема да го третира тоа како напад бидејќи Смит го бранел кошаркарот и не ја нападнал со намера пејачката.