Премиерката на Србија, Ана Брнабиќ, денес изрази огромна благодарност до претседателот на Србија, Александар Вучиќ и до Србите од КиМ што, како што наведе, најдоа сила да одговорат на бруталниот терор и агресија со „речиси безгранична трпение, посветеност на мирот, мудра политика и дијалог со сите оние кои на кој било начин би можеле да придонесат за зачувување на мирот“.
„За жал, верувам дека тука не е крајот на провокациите на Курти, но се надевам и верувам дека меѓународната заедница ќе се погрижи постигнатите договори во последните 24 часа да се почитуваат за да се зачува овој момент на мир и стабилност и да се свртиме кон исполнување на Бриселскиот договор“, напиша премиерката на Твитер.
Брнабиќ им се заблагодари и на меѓународните партнери кои помогнаа да се зачува мирот.