Леонардо де Ниро, внукот на легендарниот актер Роберт де Ниро, почина пред повеќе од еден месец на 19-годишна возраст.
Тажната вест ја потврди мајката на момчето, Дрина, а набрзо се дозна дека покрај телото на Леонардо била пронајдена чинија со бел прав.
Се сомневаше дека починал од предозирање со фентанил, а сега тоа го потврдија и лекарите. Имено, како што пишува „Дејли Меил“, Леонардо починал од „токсична“ комбинација на нелегални дроги, вклучувајќи фентанил и кокаин, а неговата смрт се смета за несреќен случај.
Резултатите од обдукцијата на 19-годишното момче беа објавени во „Њујорк пост“ и беше откриено дека младиот човек во моментот на смртта имал бројни недозволени супстанци во телото.
Да потсетиме, американскиот ТМЗ објави дека полицијата привела жена за која се верува дека е одговорна за предозирањето на Леонардо, а во истрагата е вклучен и ФБИ, бидејќи се сомнева дека гореспоменатата жена му продала дрога на Леонардо која била измешана со голема доза на фентанил, а тој не знаел за тоа.