178
Турција го повика на разговор германскиот амбасадор во Анкара откако Берлин го затвори конзулатот во Истанбул поради можна закана од терористички напади, соопшти денеска германското министерство за надворешни работи.
Покрај германскиот амбасадор, Турција на разговори поканила и амбасадори од неколку други земји, изјави портпаролот на германското министерство на редовната прес-конференција во Берлин, пренесе „Ројтерс“.
Во исто време, турскиот министер за надворешни работи Мевлут Чавушоглу изјави денеска дека западните земји, вклучително и САД и Германија, не доставиле информации за поткрепа на нивните тврдења дека ги затвориле своите конзулати во Истанбул поради безбедносни закани.