На американскиот пазар на труд се чини дека станува се побурен, иако „бурата“, всушност, никогаш не престана. Од пандемијата, преку војна и инфлација до денес, ситуацијата не е стабилизирана.
Со недели слушаме и читаме како најголемите гиганти од технолошката индустрија, но и од другите области, драстично ги менуваат своите деловни политики, заострувајќи ги работите на штета на вработените.
Со други зборови, отпуштањата се гледаат на секоја страна.
Мајкрософт соопшти дека подготвува најголем број отпуштања досега, а наводно ќе отпушти 11.000 работници. Таа компанија прво отпушти нешто помалку од 1% од работната сила, а потоа најави дополнителни отпуштања во октомври.
Претходно, слични потези направија Мета и Амазон, а сега веќе добро познатиот феномен во Твитер, кој само се продлабочи. Имено, компанијата со која раководи Елон Маск сега има само 550 инженери со полно работно време.
За краток временски период, за само неколку месеци, Твитер изгуби најмалку 80 отсто од својата работна сила.
Според последните информации, Гугл подготвува масовни отпуштања. CNBC известува дека вработените сега „бараат одговори“ откако отпуштањата ги погодија неодамна унапредените вработени, како и оние кои биле таму со години.
Незадоволните работници бараат објаснување од менаџментот и колегите бидејќи компанијата претрпува извонредна транзиција, период кој малкумина го очекуваат за гигант како Гугл.
Во петокот Гугл, кој е во сопственост на Алфабет објави дека отпушта 12.000 вработени, или приближно 6% од својата работна сила со полно работно време. Работите да бидат уште полоши, некои работници се „подготвуваа“ за ваков исход, но некои не, пишуваат американските медиуми.
Тие се разбудиле и откриле дека им е блокиран пристапот до имотот на компанијата. Некои од отпуштените работници долго време се на добри позиции или неодамна беа унапредени, што покрена дополнителни прашања за критериумите што се користат за одлучување кои работни места ќе бидат укинати.
Набргу по првата е-пошта на извршниот директор Сундар Пичаи, имаше е-пошта од шефот за пребарување Прабакар Рагаван, кој рече дека „чувствува одговорност да им се обрати“. Тој побара од нив да ги зачуваат прашањата за состанокот следната недела.
Сè на сè, со оглед на видно комплицираната ситуација на најголемиот светски пазар на труд, останува да се види како ќе се одвиваат работите кај нас и во цела Европа, со оглед на поврзаноста на домашните и странските компании, т.е. „трендови“.- било да се позитивни или негативни.
Како што знаеме, скоро секоја слика од САД „се прелева“ на светот, порано или подоцна.