Многу вкусен ролат од банана, кој лесно и брзо се подготвува.
Состојки:
– 5 јајца
– 80 гр шеќер
– 50 гр брашно
– 20 гр какао
– 1 прашок за пециво
За кремот:
– 5 јајца
– 100 гр шеќер
– 150 гр чоколадо
– 1 ванилин шеќер
– 200 гр путер
– 100 гр мелени бадеми
– 2 лажици рум
– 1 кг банани
– сок од лимон
Подготовка:
Јајцата со шеќерот се матат пенесто, додадете брашно помешано со прашокот за пециво и какао и полека измешајте.
Подготвената маса истурете ја во подмачкан и набрашнет плех со димензии 40 x 30 сантиметри и печете во загреана рерна на 180 степени околу 20 минути.
Испечената кора завиткајте ја во влажна кујнска крпа и свиткајте ја во ролат, оставете да се излади.
Јајцата, шеќерот и ванилиниот шеќер се матат пенасто и се варат со постојано мешање, на крајот се додава искршеното чоколадо и се меша додека не се растопи целото чоколадо.
Во изладениот крем додадете го изматениот путер, убаво измешајте и додадете ги бадемите и румот.
Излупените банани посипете ги со сок од лимон.
Одмотајте го пандишпанот, прелијте го со поголемиот дел од кремот и по едниот раб наредете два реда банани. Бисквитот завиткајте го во ролат и намачкајте го со преостанатиот крем.
По желба, ролатот можете да ги прелиете со растопено чоколадо.