Во вчерашниот телефински разговор на Груевски со Премиерот на Грција, Ципрас јасно му укажал дека грчката влада стои зад решението erga-omnes.
Грчките медиуми го пренесуваат соопштението од прес-службата на претседателот на Владата,каде се вели дека ” г-дин Ципрас истакна на владата стои за позициите за прашањето за името (сложено име со географска одредница за сите употреби) и важноста на решавањето на регионалната стабилност и европската перспектива на Скопје, кои грчката влада ги поддржува. Исто така, тие разговараа за изгледите за градење на доверба и зајакнување на соработката меѓу двете земји”
Вчера пак од кабинетот на Груевски соопштија:
„Премиерот Никола Груевски денеска оствари краток телефонски разговор со грчкиот премиер Алексис Ципрас. Во протоколарниот разговор премиерот Груевски на својот колега му посакал успех во работата и во справувањето со предизвиците со кои се соочува неговата земја. Груевски истакнал дека двете земји треба да вложат напори за унапредување на добрососедските односи, решавање на отворените прашања, градење на конструктивна атмосфера во двете земји и за соработка во сите сфери од взаемен интерес“