Министерот за надворешни работи на Србија, Ивица Дачиќ рече дека државата ги презела сите мерки навреме за борба против коронавирусот и успеала да избегне „црни сценарија“, па може да се каже дека епидемијата е под контрола.
Дачиќ изјави дека сегашната состојба покажала дека е потребен силен систем на јавно здравје и дека треба да се инвестира.
Тој го пофали јавното здравство во Србија, кое покажало дека и покрај неговите недостатоци, прифаќањето и „грижата за луѓето е подобра отколку на Запад“.
Дачиќ рече дека нема повеќе српски државјани заглавени на аеродромите и границите и дека веднаш реагира кога ќе се појават вакви случаи и дека тој продолжува да се изјаснува да не доаѓаат во Србија ако не треба.
На прашањето дали кризата предизвикана од пандемијата на коронавирус ќе го одложи решавањето на косовското прашање, Дачиќ рече дека темата е ставена во втор план.
„Најважно е да има мир, да нема конфликт, сите да се бориме против КОВИД-19“, рече Дачиќ.