Dacia вети дека ќе се држи до едноставните системи во своите возила, а извршниот директор на брендот Денис Ле Вот рече дека иако ќе биде потребно одредено ниво на технологија за привлекување нови клиенти, голем број клиенти не се ентузијасти за автомобилите во кои доминираат екраните на допир.
– Во Европа има 420 милиони луѓе и не сите се познавачи на технологијата. Погледнете го Bigster, цел е механичко, ние го нарекуваме пијано на француски, со копчиња за прилагодување на функциите – изјави Ле Вот, говорејќи на презентацијата на новиот Bigster SUV на саемот за автомобили во Париз, а пренесува Auto Express.
– Немам ништо против брендовите кои нудат автомобили со многу технологија, туку само сакам да кажам дека има процент од населението што не е заинтересирано, а тој процент расте, додаде тој.
Ле Вот рече дека намалувањето на сложената технологија помага да се задржи позицијата на Dacia како препознатлив бренд кој, сам по себе, нуди вредност за парите.
– Ако се погледне цената на теренците во сегментот Ц пред пет години, таа беше под 30.000 евра, а ако се земат денешните бројки, таа е над 35.000 евра. Можеби на клиентите им се допаѓа технологијата, но не е тоа поентата, пред пет години купивте автомобил за 28.500 евра и сега доаѓате во истиот салон и барате нов, со многу екрани, многу технологија, многу од се, да речеме за 36.000 евра?! Од 29.000 на 36.000 за пет години, чија плата се зголемила доволно за да си го дозволи тоа?, праша извршниот директор.
Според шефот на Dacia, пристапот на брендот е да донесе клиенти од поскапи брендови кои потоа избираат подобро опремени модели на Duster, на пример.