Истрагата за случајот поврзан со професорот по глума Мирослав Алексиќ, обвинет за силување, може да заврши во следните дваесет дена, изјави денеска Југослав Тинтор, адвокатот на актерките Милена Радуловиќ и Ива Илинчиќ, кои го обвинија професорот за сексуално злоставување. Тинтор изјави дека се испитуваат сведоци и дека ќе следи вештачење, пренесе „Информер.рс“.
Медиумите во изминатите месеци пишуваа многу за претстоен ТВ-формат. Наведуваа дека серијата најверојатно ќе се вика „Учителот“, дека Милена стои зад сценариото и дека го предала текстот на Драган Бјелогрлиќ, без да му каже дека станува збор за нејзината животна траума. Сепак, Југослав Тинтор, адвокатот на Милена и Ива Илинчиќ, ги негираше тие гласини.
Тој изјави дека тоа не е точно и дека не станува збор за филм, ниту за серија.
– Апсолутно не е вистина. Ниту се снима филм, ниту постои сценарио, ниту нешто слично. Би било потполно ненормално да се спроведе постапката, на обвинетиот Алексиќ да му се суди за голем број кривични дела и паралелно да се снима некој филм или серија што го прикажува сето тоа.
– Тоа беше спин што беше објавен во јавноста со цел да се девалвира оваа постапка, да се релативизира и да се сведе како да е направена во функција на инспирација за нов филм или серија. Во име на моите клиенти, можам да кажам дека тоа не е вистина.
Како што продолжи, ударот на медиумскиот притисок врз Милена Радуловиќ и Ива Илинчиќ е голем.
– Сметам дека следниот медиумски притисок, кој мора да дојде кога повторно ќе започне судењето, ќе им биде полесен, бидејќи врвот сепак помина. Важно е да продолжите да ја следите оваа постапка, да не дозволите да се става под тепих. Еден од начините да се расчистат работите е да се заинтересира јавноста.