Меѓународните летови до и од Дамаск ќе продолжат во вторник, откако беа суспендирани во декември кога бунтовниците ја презедоа контролата врз аеродромот, објави сириската новинска агенција Сана.
„Објавуваме обновување на меѓународните летови до и од меѓународниот аеродром во Дамаск од вторник“, изјави шефот на Управата за цивилна авијација и транспорт, Ашхад Ал Салиби, а пренесува Бета.
„Ги уверуваме арапските и меѓународните авиокомпании дека ја презедовме фазата на рехабилитација на аеродромите Халеп и Дамаск со помош на нашите партнери за да можат да примаат авиони од целиот свет, додаде тој.
Авионите за меѓународна помош веќе слетаа во Сирија, како и домашни авиони.
„Катар ервејс“ во четвртокот објави дека од вторник ги обновува летовите до сириската престолнина, по речиси 13 години прекин.