Данскиот логистички гигант Moller Maersk постигна договор со канадскиот железнички холдинг Canadian Pacific Kansas City и американската мултинационална групација Lanco Group за купување на Panama Canal Railway Company.
Железничката линија од Колон на Атлантикот до Балбоа на Пацификот беше изградена пред Панамскиот канал и нејзината траса последователно беше променета како дел од обемните инженерски работи и ископувањето на вештачко езеро за да се подготви теренот за идниот вештачки воден пат.
Денеска, пристаништето Балбоа е влезот на Панамскиот канал од страната на Атлантикот и неодамна заедно со Кристобал на Пацификот се најде во центарот на вниманието на светската јавност откако концернот од Хонг Конг, CK Hutchison се согласи да ги продаде на конзорциумот предводен од американскиот финансиски гигант BlackRock.
Само неколку недели претходно, американскиот претседател Доналд Трамп објави дека сака да го врати Панамскиот канал во американски раце поради, како што рече, зголемената вклученост на Кина.
При објавувањето на одлуката за трансакцијата, BlackRock и CK Hutchinson изјавија дека конечната документација треба да биде потпишана до 2 април, но склучувањето на зделката беше попречено од се поострите критики од Кина, како и од Панама.
Кинескиот регулатор за конкуренција отвори истрага за да утврди дали објавената трансакција е во согласност со антимонополските прописи, а панамската влада побара документација од CK Hutchinson за да ја измени концесијата за управување со пристаништето.
Данската бродска компанија сега сигнализираше дека има намера да се совпадне со иницијативата на американскиот финансиски гигант во железничкиот транспорт.
Стекнувањето „претставува атрактивна инфраструктурна инвестиција во регионот што се усогласува со нашите основни интермодални услуги за транспорт на контејнери“, рече Кит Свендсен, извршен директор на бизнисот за пристанишни услуги на Марско APM Terminals.
Железничката компанија на Панамскиот канал е основана од Canadian Pacific и Lanco Group и обезбедува железнички транспортни и патнички услуги долж Панамскиот канал. Минатата година компанијата оствари приход од 77 милиони долари.
Canadian Pacific Kansas City не објави детали за договорот, додавајќи само дека по купувањето ќе може повеќе да се фокусира на основните средства во Канада, САД и Мексико.
Maersk одделно во четвртокот соопшти дека најавените нови американски тарифи може да предизвикаат бран нарачки за американски воздушни карго услуги на краток рок, објаснувајќи дека компаниите ќе имаат за цел да испорачуваат стоки пред да стапат на сила новите давачки.
Во средата, Трамп објави царини од 10 отсто за увоз од сите земји и реципрочни давачки за земјите кои имаат најголем трговски суфицит со САД, вклучително и Европската унија како целина.
Царините од 10 отсто ќе стапат на сила на 5 април, а реципрочните тарифи на 9 април.
„Американскиот кабинет објави обемен тарифен план, кој во сегашната форма дефинитивно не е добра вест за светската економија, стабилност и трговија“, пишува во соопштението на данската компанија.
„Се уште е рано да се прават сигурни предвидувања за конечниот исход“, додаваат тие.