Пејачката Деми Ловато откри дека нејзината врска со Џордан Лутес оди добро откако ги надминала проблемите со тоа што исклучивоја привлекувале многу постари мажи.
Пејачката, која претходно беше во врска со Вилмер Валдерама и покрај нивната 13-годишна разлика во години, ги опиша своите минати врски со постари мажи како „одвратни“ за време на гостувањето во емисијата.
„Можам со сигурност да кажам дека повеќе ги немам овие проблеми“, изјави 31-годишната ѕвезда.
“Мислам дека има неколку знаци дека сум добро. Сега сум со партнер кој е на моја возраст. Кога ќе погледнам наназад сега и моите состаноци со многу постари мажи, мислам колку ми беше одвратно”, рекла таа, пренесува „Јутарњи“.
Ловато зборуваше и за нејзината „здрава“ врска со Лутес (32) и призна дека се надева дека еден ден ќе се омажи и ќе има деца со својот колега музичар.
„Постои ова партнерство каде што преовладува магнетната привлечност и начинот на кој се смееме заедно… Така е нон-стоп. Мислам дека ако сте нашле некој со кој се чувствувате безбедно, кој ве привлекува толку многу, со кој се смеете постојано, тоа е формулата за навистина одлична врска“, изјави пејачката.
Ловато прво се поврза со канадскиот уметник, кој напиша неколку песни на нејзиниот албум „Holy Fvck“, додека таа работеше на нова музика минатата година. Пред него, таа беше поврзана со неколку постари мажи, меѓу кои и претходно споменатиот Валдерама, со кој започна врска во 2010 година. Таа и 43-годишниот актер беа заедно, со паузи и помирувања, шест години. Тие се запознале кога таа имала 17 години, но не ја потврдиле врската до нејзината 18 година. Тој тогаш имаше 29 години.
Околу шест години по нивното раскинување, Ловато ја објави песната „29“, за која обожавателите се сомневаа дека е посветена на Валдерама. Иако таа никогаш не ги потврди гласините, таа ги предупреди девојките да бидат внимателни со постарите мажи.
„Ако сте млада девојка и мислите дека е секси или забавно да излегувате со постари мажи, знајте дека не е во ред ако не сте полнолетни“, рече таа во интервју во август 2022 година.
„Мислам дека понекогаш на јавноста треба да и се каже вистинската вистина и поради таа причина решив да ја објавам оваа песна. Мислам дека пораката на таа песна е многу важна“, додаде таа.
Покрај Валдерама, пејачката претходно беше романтично поврзана со ММА борците Гиљерме Васконселос и Лук Рокхолд, а беше свршена и со американскиот актер, пејач и танчер Макс Ерих.