Денес ново рочиште за обвинетите во протестот за „Монструм“

Денес во Кривичниот суд во Скопје, продолжи рочиштето за обвинетите Фабион Идризи и Артон Садики, кои се теретат дека на 26. февруари сториле кривично дело, во рамки на протестите закажани против пресудата за случајот „Монструм“.

По предлог на одбраната денеска е предвидено да бидат сослушани сведоци.

Судењето за овој предмет го води судијата Марин Станевски, а како застапник на обвинението е обвинителката Марија Демирова-Панајотова.

Претходно три лица беа осудени со по една години затвор за сторено кривично дело учество во насилна толпа, а едно лице со осум месеци казна затвор.

На протестите на 26 февруари беа повредени 11 полициски службеници и еден новинар.