СДСМ вечер ќе продолжи да објавува снимки од  прислушуваните разговори на високи државни службеници, а кои се однесуваат на изборите и изборните нерегуларности, соопшти партијата.

Според лидерот на СДСМ Зоран Заев, денеска ќе се објават најстрашните детали од изборните нерегуларности.

Денешното објавување на снимките е замислено како еден вид трибина, соопштуваат од СДСМ. Во петокот Заев објави само дел од снимките што се однесуваат на последните два-три изборни циклуси.

Фалсификување лични документи,  притисоци врз администрацијата, фирмите, земјоделците, наставници, врз социјално загрозените,  пензионерите, се само дел од злоупотребите за кои се говори во материјалите кои Заев ги објави во петокот