Неколку стотици полицајци се распоредени во близина на училиштето во Грац каде што се случи масакр, а според најновите податоци, најмалку пет лица се убиени.
Според полицијата, операцијата започнала околу 10 часот наутро откако во училиштето се слушнале истрели. Веднаш е подигната тревога, а на местото на настанот се и членови на единицата „Кобра“. Училишната зграда моментално внимателно се пребарува, а јавноста е повикана да го избегнува тој дел од градот.
Сопругот на наставничката која се заклучила во училница со учениците изјавил дека слушнала неколку истрели.
Голем број родители се собрале пред училиштето и чекаат вести за своите деца. Според „Кронен“, родителите на децата кои успеале да избегаат од училиштето сега се со своите деца.
Повредените се префрлаат во блиската болница.
Според австриските медиуми, напаѓачот наводно се заклучил во тоалет и извршил самоубиство. Полицијата сè уште не потврдила дали напаѓачот е мртов.