Deutsche Bank префрли стотици висококвалификувани ИТ професионалци од Русија во Берлин, заедно со нивните семејства и домашни миленици, објави „Фајненшл тајмс“, повикувајќи се на информирани извори.
Пред воената инвазија на Украина, двата главни центри на банката во Москва и Санкт Петербург вработуваа околу 1.500 вработени вклучени во развој и поддршка на софтвер. Ова е околу една четвртина од сите ИТ специјалисти со полно работно време во Deutsche Bank.
После тоа, сите руски вработени во банката беа замолени да се преселат на работа во Германија, а повеќе од половина од нив ја прифатија понудата, изјавија три лица запознаени со темата. Повеќето од оние кои се согласија веќе се преселиле, велат изворите. Севкупно, станува збор за околу 2.000 лица, вклучувајќи ги и семејствата на вработените.
Многумина од оние што заминаа пристигнаа во Германија преку Финска, според извори цитирани од finmarket.ru. Раководството почнало однапред да ги подготвува документите и вработените можеле да почнат со работа веднаш штом пристигнале во Берлин.
„Тоа не беше евакуација“, рече еден извор, додавајќи дека тоа е „нормално преместување на персоналот, иако, се разбира, во многу поголеми размери од вообичаеното“.
Сè уште не е јасно што ќе се случи со преостанатите ИТ операции на банката во Русија.
„Продолжуваме да разгледуваме различни опции“, рече висок функционер на Deutsche Bank.