Актерката Анџелина Џоли стана професор на Лондонската школа за економија. Таа беше забележана како се упатува кон автомобил со својот син Медокс во елегантен црн костум во склад со чантата, пишува Daily Mail. Косата ѝ беше строго собрана.
Првото нејзино предавање во Центарот на тема “Жени, мир и безбедност” беше фокусирано на односот кон жените во бегалските кампови и проблемите со кои се соочуваат. Од септември актерката ќе предава во 12-месечен курс за магистри.
“Малку сум нервозна, ми се грчи стомакот. Се надевам дека ќе излезе добро. Ова е многу важно за мене “, призна Анџелина Џоли пред ” Ивнинг стандард “, пред да застане пред учениците.
Од 2001 година ѕвездата учествува во многу теренски мисии низ светот како амбасадор на добра волја на Високиот комесаријат на ОН за бегалци.
Таа посети некои од најпогодените од војни точки на планетата, подари милиони на различни проекти за помош и дури доби лиценца за пилот, за да може да испорачува храна и обезбедување на сиромашните.
Во 2012 година Анџелина Џоли стана и специјален пратеник на Високиот комесаријат на ОН за бегалци. Нејзината работа ја однесе до земји како Камбоџа, Сиера Леоне, Танзанија, Авганистан, Сирија, Судан, Еквадор, Колумбија, Кенија, Намибија, Етиопија и многу други.
Таму таа работеше со бегалци од воени конфликти, сирачиња од сиромашните земји, за заштита на дивината, образованието на децата и правата на жените во однос на сексуалното насилство во зоните на конфликти.
Џоли во моментов се наоѓа во тешка фаза од животот. Ѝ претстои тежок развод со Бред Пит, со кого се бори за родителските права над нивните шест деца.