Џони Деп ја осуди „културата на откажување“

од Vladimir Zorba

Џони Деп ја осуди „cancel“ културата, која ја спореди со загадениот воздух и рече дека се плаши дека „никој не е безбеден“.

Да потсетиме, Деп беше „откажан“ од голем број медиуми, а Ворнер Брос го замоли да се повлече од филмот „Фантастични sверови“, откако минатата година ја загуби тужбата за клевета против весникот „Сан“. Весникот во еден текст го опиша како „маж што тепа жени“, по јавен конфликт помеѓу Деп и неговата поранешна сопруга Амбер Херд.

Деп во средата се појави на филмскиот фестивал во Сан Себастијан во Шпанија, каде требаше да ја прими почесната награда „Доностија“.

Според Deadline, актерот рекол дека јавното мислење се свртело против него во светлината на судскиот спор.

„Може да се види како настан во историјата што трае што е можно подолго, оваа култура на откажување, ова сегашно брзање со пресуда врз основа на ништо, воздухот всушност е загаден“, рече Деп, пренесува Хедлајнер.

– Сега е надвор од контрола и можам да ви ветам дека никој не е безбеден. Никој од вас. Никој не е безбеден. Потребна е една реченица и нема повеќе основа, тепихот е повлечен – рече тој и додаде:

– Тоа не ми се случи само мене, тоа се случи на многу луѓе. Вакви работи им се случуваа на жените, на мажите. Децата страдаа од разни видови на непријатности. За жал, во одреден момент почнуваат да мислат дека ова е нормално. Или дека навистина се тие. Но, тие не се.

Тогаш Деп ја повика јавноста да „застане“ против оваа култура затоа што „некој што го сакаш“ може да се соочи со бес на „култура на откажување“.

Холивудската sвезда подоцна изрази „загриженост дека неговото присуство на фестивалот ќе ги навреди луѓето, но дека не сака да навреди никого“. Тој рече дека им се заблагодарил на организаторите за нивната „континуирана поддршка“.

– Не правев ништо, само снимам филмови.

Деп поднесе тужба против неговата поранешна сопруга Херд, а сослушувањето треба да се одржи во Вирџинија следната година. Тој ја тужеше Амбер Хард (35) за објавување на „Вашингтон пост“ 2018 година, во која таа вели: „Станав јавна личност која го претставува семејното насилство и го почувствував целиот гнев на нашата култура кон жените што зборуваат“.

Слични содржини