„Џонсон и Џонсон“ ја преполовија очекуваната испорака на вакцини „Ковид-19“ до Европската унија (ЕУ) оваа недела, изјави во понеделникот европски официјален претставник.
Според договорот со ЕУ, „Џонсон и Џонсон“ се обврза да испорача 55 милиони дози на единечна вакцина во вториот квартал од годината, но до средината на кварталот беа доставени само пет милиони дози, помалку од 10 проценти од договорената сума.
Покрај тоа, производителот на лекови „ја преполовува количината на вакцина оваа недела“, изјави европски службеник вклучен во разговорите со производителот на вакцини, додавајќи дека не знае колку дози се очекуваат оваа недела.
Тој исто така рече дека сè уште не е познато колку дози на „Џонсон и Џонсон“ ќе бидат испорачани следната недела.
„Знаеме дека има привремено, ограничено намалување на испораките, што треба да се надомести подоцна“, рече портпарол на Европската комисија, одбивајќи да каже колку помалку вакцина за коронавирус ќе се достават оваа недела.
„Џонсон и Џонсон“ се соочи со проблеми со производството во САД. Европскиот официјален претставник рече дека дозите наменети за Унијата се произведени во САД и во фабрика во Лајден, Холандија.