Џонсон: Обучуваме украински војници во Британија и Полска

Британскиот премиер Борис Џонсон откри дека десетици украински војници се обучуваат во Велика Британија, а меѓу другото се обучуваат и да ракуваат со британски оклопни возила што Лондон ќе ги испорача на Украина за да се борат против Русија.

Џонсон изјавил дека британските сили обучуваат и украински војници во Полска, за да можат да користат противвоздушни ракети, пишува Гардијан.

„Можам да кажам дека во моментов ги обучуваме Украинците во Полска за употреба на оружја за противоздушна одбрана, а во Велика Британија за употреба на оклопни возила“, рече Џонсон.