Џад Ло потврди во новото интервју за „Deadline“, објавено во четвртокот, дека ќе го игра рускиот претседател Владимир Путин во претстојниот политички трилер наречен „Волшебникот од Кремљ“ (The Wizard of the Kremlin).
Ло ќе игра споредна улога во новиот филм на францускиот режисер Оливие Асајас кој ќе го отслика Путин на почетокот на неговата политичка кариера.
„Сè уште не сум почнал да работам на тој филм“, изјави Ло за Deadline, пред да појасни: „Мислам, имам, но во моментов ми изгледа како Еверест да го освојам, а јас сум на дното, гледам нагоре и размислувам… : „О, Боже, зошто се согласив на ова?“
„Често се чувствувам така кога се согласувам на филм“, додаде тој, според People. „Помислив: „О, Боже, како ќе го извлечам ова? Но, на мене е да го решам“.
Остатокот од актерската екипа на Магионичарот од Кремљ ги вклучува Пол Дано, Алиша Викандер и Зак Галифианакис.
Филмот е заснован на истоимената бестселер книга на францускиот автор Џулијано да Емполи, објавена во 2022 година. Сценариото го напишаа Асајас и Емануел Карере.
Главната улога во филмот ќе ја толкува Дано, кој ќе го толкува Вадим Баранов, театарски режисер и продуцент на реално шоу, кој подоцна станува главен советник на Владимир Путин. Баранов „ја меша вистината со лаги, вестите со пропагандата, а општеството го третира како големо реално шоу“.
Ликот на Вадим Баранов е инспириран од Владислав Сурков, поранешен руски политичар за кој се вели дека е одговорен за подемот на Путин.
Можевме да го видиме Ло во минатогодишниот акционен трилер The Order, а тој моментално игра една од главните улоги во авантуристичката серија Star Wars: Skeleton Crew, која се емитува на услугата за стриминг Disney+.