Џастин Бибер сподели со своите следбеници како изгледа средбата со папараците од негова гледна точка, а на многумина им беше тешко да останат рамнодушни по ова. Тој стекна слава на 13-годишна возраст, а од тогаш живее под рефлекторите и е мета на папараците, кои почнаа да го вознемируваат.
Во последниот период, обожавателите сè повеќе изразуваат загриженост за неговото ментално и физичко здравје, особено по фотографиите на кои Бибер изгледа исцрпено и несреќно. Откако објави видео од папараците кои го среќаваат секој ден, на многумина им стана јасно низ што поминува секој ден и зошто не изгледа среќен на тие фотографии.
Бибер преку видеото покажа дека е опкружен со камери кои го следат на секој чекор. Неговите коментари можеа да се слушнат и на видеото додека обезбедувањето се обидуваше да го изнесе од зградата на улицата: „Погледнете ги овие момци, ова мора да престане“. И покрај тоа што неговите обезбедувачи го штитат од блицовите и ги молат папараците да се повлечат и да му дадат простор, група мажи со камери постојано му се приближуваат, менувајќи ги аглите и туркајќи се за да направат најдобра снимка. Многу од неговите следбеници заклучија дека тоа е ситуација која може да се нарече вознемирување. Некои побараа закон што би ги заштитил познатите личности од такво однесување во иднина.
Некои од неговите следбеници напишаа под објавата: „Неверојатно е што го трпиш ова 15 години. Постојано се однесуваат со тебе како со животно во зоолошка градина, и папараците и јавноста“, „Ова е толку иритирачки и само гледајќи низ екранот, блицовите се заслепувачки. Не можам ни да замислам како е да се живее“, „Ти си човечко суштество кое заслужува мир и простор за создавање. Папараците се најниската форма на живот, ни треба закон што ќе ги третира како прогонители и криминалци“.
По овој пост, Бибер објави нов каде што го изрази својот став за наводите дека треба да го напушти местото каде што сега живее: „Сите ми велат да се иселам од Лос Анџелес. Мислите ли дека ќе ме малтретираат да одам таму каде што моето влијание е најпотребно? Како можеме да направиме разлика ако бегаме од темнината?“, рече тој.