Пејачката Џенифер Лопез ги откажа последните седум датуми од нејзината претстојна турнеја – без објаснување, пишува Page Six. Фановите забележаа дека Ticketmaster додаде известувања за откажување претходно оваа недела за концертите во Нешвил, Рали, Северна Каролина, Атланта, Тампа, Флорида и Њу Орлеанс за турнејата This Is Me…Now.
Претходно најавените концерти во Кливленд и Хјустон се целосно отстранети од веб-страницата. Седум термини беа закажани за периодот од 20 до 31 август. Турнејата сега завршува во Њујорк на 17 август. Пораката на сајтот на Ticketmaster го обвини „организатор на настанот“ за откажувањата, но не понуди дополнителни информации освен детали за враќање на билетите.
Сепак, Page Six дознава дека имало логистички проблем со промоторот и постои можност концертите да бидат презакажани. Пејачката се уште не се огласила на социјалните мрежи. Ова ажурирање на турнејата доаѓа откако новиот албум на пејачката, This Is Me…Now, помина лошо на табелата Билборд 200, дебитирајќи на 38-то место минатиот месец.
Покрај албумот, Џеј Ло објави мјузикл исполнет со ѕвезди наречен This Is Me…Now: A Love Story, како и документарен филм The Greatest Love Story Never Told.
This Is Me…Now е нејзиниот прв студиски албум во последните десет години .