Во април минатата година, фановите од ден на ден следеа какви било нови вести за здравјето на холивудскиот актер Џејми Фокс. Имено, за време на снимањето на филмот „Back in Action“ на актерот му се слошило, а за неговата состојба неколку пати известуваше неговата ќерка. Со оглед на тоа што фановите беа многу загрижени од неочекувани здравствени проблеми, Фокс најави дека наскоро ќе каже сè и ќе ја реши мистеријата.
„Сега ја ценам секоја минута што ја имам. Сега се е поинаку. Не би му посакале на вашиот најлош непријател да помине низ она низ што поминав јас, затоа што е тешко кога ќе сфатите дека сте речиси на крајот… тој момент кога го гледате тунелот. Го видов тунелот, но не ја видов светлината на крајот од тунелот“, рече Фокс во својот говор на доделувањето на филмските награди во декември, коментирајќи ја неговата здравствена состојба, поради која наводно не можел да зборува одреден период.
На неодамнешното појавување на ручекот на Здружението на афроамерикански филмски критичари, тој објави дека планира да каже што навистина се случило, но сака да ја раскаже приказната на свој начин.
„Сите сакаат да знаат што се случи, а јас ќе ви кажам што се случи, но морам да го сторам тоа на мој начин“, изјави актерот речиси една година по целата ситуација која предизвика загриженост, додавајќи: „Одам да го направам тоа на смешен начин. Ќе бидам на сцената. Ќе се вратам на корените на стендап“.
Подоцна откри дека планира да ја нарече својата објава: „Тоа што се случи, беше“, а потоа ќе ја каже својата страна од приказната.