Актерката Џенифер Анистон, која ја играше Рејчел Грин покрај Метју Пери, кој го играше саркастичниот и духовит Чендлер Бинг во американскиот ситком „Пријатели“, рече дека Пери се враќал во форма пред да умре на 54-годишна возраст на 28 октомври.
„Беше среќен. Беше здрав. Се откажа од цигарите”, изјавила Анистон за Variety на прашањето по што би сакала Пери да биде запаметен.
„Тој беше среќен – тоа е се што знам. Буквално се допишував со него тоа утро. Тој немаше болки. Не страдаше. Тој беше среќен. Сакам луѓето да знаат дека тој навистина беше здрав и се опоравуваше. Имаше цел. Работеше толку напорно“, изјавила Анистон.
„Многу ми недостига. На сите ни недостига. Човеку, колку многу нè смееше“, додала таа.
Анистон додава дека пораките за љубов од целиот свет по веста за неговата смрт биле апсолутно прекрасни.
„Морам да кажам дека мислам дека дијалектот на Метју Пери, неговиот начин на зборување, создадоа сосема поинаков свет. Ние го следевме, на некој начин“, рече Анистон.