Првата дама на САД, Џил Бајден, која ги претставуваше Соединетите Американски Државо на денешното крунисување на британскиот крал Чарлс Трети, изјави дека „имаше таква убавина во раскошот на церемонијата“ и дека е „просто неверојатно да се види тоа“.
„Не можете да го замислите тој момент кога всушност ја гледате круната како се става на главата на кралот, а потоа на главата на кралицата“, рече таа за време на телефонското интервју за АП по церемонијата во Лондон.
Бајден истакна дека е навистина надреално да се види и доживее тој момент.
Ниту еден американски претседател никогаш не присуствувал на крунисувањето на британскиот монарх, а претседателот Џозеф Бајден побара од првата дама да ги претставува САД на негово место.
Белата куќа соопшти дека појавувањето на Џил Бајден е првпат американска прва дама да присуствува на британското крунисување.
На патувањето била придружувана од една од нејзините внуки Финеган Бајден (23).
„Чест ми е што го претставувам народот на Соединетите Американски Држави и сакав да бидам овде“, изјави Џил Бајден.
Рекла дека многу и значело тоа што може да ја донесе Финеган, да патуваат заедно, да го искусат заедно и дека тоа многу им значело на двете.
Првата дама на САД зборуваше за американската агенција додека таа и нејзината внука отидоа на попладневен чај по крунисувањето во Вестминстерската опатија.