Претседателот на Република Српска, Милорад Додик, кој престојува во Москва, денеска ги негираше информациите на федералните медиуми дека побарал државјанство на Руската Федерација, пренесува „Танјуг“.
„Ниту побарав државјанство на Руската Федерација, ниту го добив“, изјави Додик за „Спутник Србија“. Додик на тој начин ги демантираше лажните вести од сараевскиот портал „Фактор“, кој претходно денеска, повикувајќи се на „Спутник Србија“, објави дека претседателот на Република Српска добил руско државјанство.
„Спутник“ пишува дека споменатиот бошњачки портал, кој оттогаш го пренесуваат други босански федерални медиуми, ја избришал оваа лажна вест.
„Овој груб фалсификат, кој исто така треба да се најде под лупата на правосудните органи, има за цел да емитува лажни информации дека Милорад Додик побегнал во Москва и дека тоа го објавува никој друг туку највлијателниот руски медиум на Балканот“, пишува „Спутник“.