Босна и Херцеговина е земја со проблем и случај и тоа не е од денес, туку од почеток, истакна претседателот на Република Српска Милорад Додик.
– Со волјата на некоја администрација од далечни канцеларии, ја добивме Босна и Херцеговина како производ кој немаше реална основа да преживее и да се организира. Република Српска не може да прифати неименувани странци да можат да наметнуваат правни решенија надвор од Уставот и Дејтонскиот договор, објави Додик во објава на социјалните мрежи.
Во неделното резиме, Додик порача дека во текот на неделата бил во Будимпешта, каде што уште еднаш потврдил во разговор со министерот Петер Сијарто дека Унгарија ги разбира политичките проблеми во Босна и Херцеговина и дека силно ги поддржува избраните претставници на народот самостојно да донесуваат одлуки.