Додик: Западот не бара соработници, туку поданици, БРИКС е надеж за поправеден свет

Претседателот на Република Српска, Милорад Додик изјави дека Западот не бара соработници и партнери, туку поданици и затоа се разликува од БРИКС.

Додик, кој е во Казан на самитот на БРИКС, за РТ Балкан изјави дека за него БРИКС е мировна асоцијација која дава надеж дека светот ќе биде поправеден и пополн со почит.

Тој рече дека е важно Српска, која не е меѓународно призната, но има меѓународен капацитет, да биде во Казан и да биде сведок на нов процес кој треба да овозможи дополнителна стабилизација и мир и ред во светот, пренесува Срна.