Најголемата европска економија оди во рецесија и ќе се намали за околу 1% во 2023 година, според економистите од „Дојче банк“.
Намалувањето на испораките на природен гас, рецесијата во САД и другите спротивставени ветрови ќе предизвикаат пад на економијата во втората половина од оваа година, велат аналитичарите. Според експертите, рекордната инфлација сè уште не го достигнала својот врв, пишува „Блумберг“.
Неодамнешното намалување на снабдувањето со енергија е проблем низ Европа, а особено во Германија, поради големата зависност на земјата од рускиот гас.
Главната грижа е дека Кремљ може да избере да ги искористи работите за одржување на гасоводот „Северен тек 1“ како изговор за целосно да го прекине снабдувањето.
„Се чини логично да се претпостави дека Русија ќе продолжи да бара начини да ја наруши економската активност во Европа како одмазда за западните санкции и финансиската и воената поддршка за Украина“, пишуваат економистите.
„Влијанието врз индустриското производство и економската несигурност речиси сигурно ќе ја турнат германската економија во рецесија во втората половина на 2022 година“, додаваат тие.