Донеле тело на починат во пошта за да му ја земат пензијата

Ирската полиција покрена истрага откако двајца мажи во петокот наутро донеле мртов маж во пошта во обид да му ја подигнат пензијата, објавија ирските медиуми.

Бизарниот случај започнал во петокот околу 11:30 часот по локално време во гратчето Карлов, кое се наоѓа југозападно од Даблин, кога еден од двајцата млади луѓе влегол во поштата за да подигне пензија на друг маж.

Вработените во поштата го одбиле, велејќи му дека е неопходно присуство на човекот чија пензија е потребна, по што двајцата го донело телото на мажот во зградата.

Откако персоналот се посомневал, двајцата млади побегнале оставајќи го телото зад себе.

Наводно го познавале починатиот маж.

Ирската полиција го истражува овој случај и околностите на неговата смрт.