443
Кошаркарите на Бостон го совладаа Мемфис на домашен терен со резултат 120:107, во натпревар од НБА лигата.
Тејтум постигна 37 поени, имаше шест скока и пет асистенции. Го следеше Хорфорд со 21 поен и 15 скока, додека Смарт додаде 18 поени и 12 асистенции.
Покрај Морент со 38 поени, седум асистенции и четири скока, се истакнаа Џексон со 20 и Бејн со 17 поени. И двајцата имаа по седум скока.
Бостон имаше предност во текот на целиот натпревар, а победата не беше доведена во прашање во последната четвртина, кога имаше максимални +17.