Американскиот претседател Доналд Трамп изјави во четврток дека сака САД да ја „заземат“ Газа и да ја претворат во „слободна зона“, додека беснее војната меѓу Израел и Хамас на палестинската територија, објави агенцијата Франс Прес (АФП).
„Имам концепти за Газа кои мислам дека се многу добри: Направете ја слободна зона, дозволете им на Соединетите Американски Држави да се вклучат. Би бил горд ако Соединетите Американски Држави ја имаат, ја земат и ја претворат во слободна зона, дозволетеда се случат некои добри работи. Сместете ги луѓето во домови каде што можат да бидат безбедни“, рече Трамп во Доха.
Трамп рече дека „проблемот со Газа никогаш не е решен“.
„Ќе мора да се справиме со Хамас. Запомнете, 7 октомври беше еден од најлошите денови во историјата на светот, мислам, не само, не само локално за овој регион, тоа беше еден од најлошите, најстрашните напади што некој некогаш ги видел“, рече Трамп.
На почетокот на годината, Трамп излезе со предлог за преселување на Палестинците од Појасот Газа и идејата за претворање на областа во одморалиште „Ривиера на Блискиот Исток“.
Околните земји, првенствено Јордан и Египет, и покрај инсистирањето на Трамп, одбија да ги прифатат Палестинците од Газа и да ги населат на нивна територија.