Две лица загинаа, паднале во провалија на Галичица длабока околу 200 метри

Две лица загинаа откако со возило излетале во провалија на Галичица. Од Центарот за управување со кризи информираат дека возилото е лоцирано на место викано „Превој“ на Галичица.

-Возилото е паднато во провалија на околу 100 до 200 метри длабочина од регионалниот пат Трпејца – Преспа што води преку Националниот парк „Галичица“, велат од ЦУК.

Екипа на СВР Охрид, планинската спасителна служба при Црвен крст Охрид се на терен и по направениот увид, продолжуваат со извлекување на настраданите, а и на возилото од провалијата.