Едно лице загина, седум се повредени во судир на глисери во Црна Гора

Едно лице загина, а седум се повредени во саботата вечерта при судир на пловен објект во Жабљак Црнојевица на Скадарското езеро во Црна Гора, објави „Вијести“.

Како што изјави за „Вијести“ извор од Итната медицинска помош, во судирот учествувале два глисери, а едно тешко повредено лице пренесено со Брза помош е во стабилна состојба.

Неколкумина од нив со полесни повреди со приватни возила се пренесени во Ургентниот центар пред да пристигне брзата помош.