Египет денес ја отвори својата копнена граница со Појасот Газа и испрати десет амбуланти на палестинската територија за евакуација и лекување на Палестинците ранети во израелските напади, изјави неименуван египетски извор.
Отворен е граничниот премин од Рафа, единствениот што води во светот од Појасот Газа, и не е под контрола на Израел, изјави АФП и потсети дека таа земја воведе блокада на палестинската енклава пред 14 години.
Еден службеник за безбедност на границата рече дека тоа е „вонредна“ одлука затоа што преминот обично останува затворен за време на празниците, вклучувајќи го и муслиманскиот празник Рамазан Бајрам, кој започна во средата.
Како што е наведено, три болници во Египет се подготвуваат да ги примат ранетите од Газа, каде за време на петдневните судири со израелската армија беа убиени 139 лица, од кои 39 деца, а скоро 1.000 беа ранети.
Девет лица беа убиени во Израел, меѓу кои две деца и еден војник.
Израел започна напади врз Газа откако испука стотици ракети од таа територија контролирана од исламистичките екстремисти Хамас.
Ракетирањето започна по жестоките судири меѓу израелската полиција и палестинските демонстранти на светилиштето во источен Ерусалим, во кое беа ранети стотици Палестинци.
Коптската православна црква, која претставува најголемо христијанско малцинство на Блискиот исток, ги повика сите страни денес да преговараат со цел да се избегне крвопролевање.
Во петокот, големиот имам на Ал Азар, почитувана сунитска институција, Ахмад ал Таеб, започна кампања за поддршка на Палестинците.