ЕК: Русија нема ниту еден доказ дека Украина гради „валкана бомба“

Европската комисија смета дека Русија нема никакви докази дека Украина прави „валкана бомба“, изјави денеска портпаролката на Комисијата, Набила Масрали.

Таа рече дека во вчерашниот говор на Путин „исправното е погрешно, а погрешното е исправно, дека лагата е вистина, а вистината е лага“.

Рускиот претседател вчера одржа говор во кој, меѓу другото, рече дека Русија го брани своето „право на постоење“ против западните сили и ги обвини САД и Европа дека сакаат „да ја уништат, избришат (Русија) од мапата“.