Екипите на ЈП „Охридски Комуналец“ денеска спроведоа интензивни активности за чистење и собирање на отпадот кој беше натрупан на крајбрежјето на Охридското Езеро во потегот од кампот Љубаништа до манастирскиот комплекс „Свети Наум“.
Акцијата за чистење се одвива во координација со Инспекторатот од Општина Охрид. Исто така издаден е налог до концесионерите кои стопанисуваат со плажите во овој дел од крајбрежјето да спроведат итни активности за расчистување на истото.