Експлозија предизвикана од истекување гас во хотелот Саратога во Хавана во петокот предизвика трагедија во која бројот на загинати се искачи на 40, соопшти кубанското Министерство за здравство.
Последните податоци објавени во понеделникот вечерта покажуваат 54 повредени лица, од кои 18 се уште се во болница. Податоците откриваат дека има 40 загинати лица, меѓу кои четири деца и млади луѓе и еден шпански турист. Меѓу повредените, шест се во критична состојба, а седум се во тешка состојба, соопшти Министерството.
Пронајдени тела
Во понеделникот наутро, спасувачките служби известија дека извлекле четири тела од урнатините на хотелот. Четирите пронајдени тела биле вработени во хотелот, според кубанската државна новинска агенција ACN, која во понеделникот околу пладне додаде дека „од 12 до 13 лица сè уште се водат како исчезнати“.
Потрагата продолжи во понеделникот, изјави на државната телевизија полковник Луис Карлос Гузман, командант на пожарникарите.