Кинескиот производител на електрични автомобили „Нио“ соопшти дека две лица загинале кога едно од неговите возила паднало од третиот кат на неговото седиште во Шангај. Во несреќата загинале еден член на персоналот и едно лице од партнерската компанија.
Инцидентот се случил во средата околу 17:20 часот по локално време, соопшти компанијата. Загинатите биле во возилото кога истото паднало од зградата.
Terrible story of two test drivers at #China’s electrical vehicle manufacturer NIO being killed when a car somehow smashed out of a building and came crashing down from a great height. pic.twitter.com/4ZNI2t7LqZ
— Stephen McDonell (@StephenMcDonell) June 23, 2022
Од „Нио“ соопштуваат дека веднаш покренале истрага за инцидентот во соработка со владини претставници. Областа на третиот кат од каде падна автомобилот е поинаку опишана – како изложбен простор, простор за тестирање или паркинг.
Нашата компанија соработуваше со Одделот за јавна безбедност за да иницира истрага и анализа на причините за несреќата. Врз основа на анализата на ситуацијата на местото на настанот, првично можеме да потврдиме дека се работи за несреќа (не е предизвикана од возило), се вели во соопштението на компанијата.
„Многу сме тажни поради оваа несреќа и сакаме да го изразиме нашето најдлабоко сочувство до семејствата на нашиот колега и партнер вработен кои го загубија животот. Формиран е тим за помош на семејствата“, се додава.