Stellantis штотуку ја претстави STLA Large, нова и флексибилна механичка платформа, која ќе биде основа на широк спектар на возила за светските пазари од средна и висока класа. Направена е за употреба во електрични возила, но ќе се користи и за хибриди и мотори со внатрешно согорување.
Најпрво ќе се применува на северноамериканскиот пазар, за марките Dodge и Jeep, а потоа ќе се користи во моделите Alfa Romeo, Chrysler и Maserati. Во периодот од 2024 до 2026 година ќе бидат лансирани вкупно осум модели со оваа платформа.
STLA Large е дизајниран со голема технолошка флексибилност, така што претстојните производи на оваа платформа ќе покриваат широк опсег на возила: патнички автомобили, кросовери и SUV модели. Опциите се електрични архитектури од 400 и 800 волти.
Исто така, модулите, кои вклучуваат мотор, конвертор и редуктор, може да се конфигурираат со погон на предните тркала, погон на задните тркала и погон на четири тркала.
Конверторот користи полупроводничка технологија на силициум карбид за да ги намали загубите на енергија. Перформансите на погонската група може да се подобрат во текот на животниот век на возилото со ажурирања на софтверот.
Автомобилите со STLA Large платформа ќе имаат одлични перформанси. Првично ќе нуди опции за батерии со капацитет од 85 до 118 kWh и вкупен опсег од 800 km за седаните со поголема батерија.
Се споменуваат мотори кои ќе му овозможат на автомобилот да забрза од 0 до 100 km/h за само две секунди. Брзото полнење ќе додаде до 4,5 kWh капацитет во минута на батеријата од 800 волти.
Автомобилите со оваа механичка основа ќе бидат многу функционални, истакнува Stellantis. Компонентите на платформата се спакувани за да се максимизира внатрешноста на патничката кабина и просторот за товар.
Клучните компоненти за удобност и перформанси се дизајнирани да ја намалат потрошувачката на енергија и да го зголемат опсегот, велат од компанијата.