Експертите кои испитуваат можни врски помеѓу антиканцерогената вакцина Астра Зенека и згрутчување на крвта не откриле специфични фактори на ризик, вклучително и возраста, но продолжуваат со анализата, соопшти Европската агенција за лекови (ЕМА).
„До денес, студиите не идентификувале специфични фактори на ризик, како што се возраста, полот или медицинската историја, кои вклучуваат проблеми со згрутчување на крвта за овие многу ретки случаи“, наведено како компликации кај лица вакцинирани со Астра Зенека, според изјавата на Европската агенција за лекови .
ЕМА прецизираше дека неговиот комитет за безбедност треба да објави „ажурирани препораки“ за вакцината по месечниот состанок закажан за следната недела.
Вчера, Германија, како и голем број други земји, препорача препаратот да не се користи за помлади луѓе, откако пријави неколку случаи на проблеми со згрутчување на крвта, иако ЕМА претходно даде гаранции дека вакцината е безбедна.
„Не е докажана каузална врска со вакцината, но тоа е можно и во тек се дополнителни анализи“, се вели во соопштението.
Европското регулаторно тело го повтори своето мислење издадено на 18 март дека „придобивките од вакцината во заштитата на луѓето од ковид-19, со придружните ризици од смрт и хоспитализација, ги надминуваат можните ризици“.